TRUKE EGUNA PORTUGALETEN

Abenduaren 22an, Portugaleteko alde zaharreko kaleetara kontsumismoari alternatiba emateko ekimena eraman genuen.

Pasa den larunbatean, truke azoka antolatu genuen egun osoan zehar. Gure asmoa honakoa zen: garai honetan ematen den zentzurik gabeko kontsumismo ikaragarria salatzearekin batera, alternatiba errealak herritarren esku jartzea.

Horrela, etxean erabili gabe baina erabilgarri zaizkigun gauzak beste batzuengatik trukatzeko aukera eman genion ekintza honetan parte hartu nahi zuen portugaletetar orori: Diska konpaktoak, arropa, osagarriak, liburuak… izan ziren gehienbat aldatu genituen gauzak.
Eguerdian, trikipoteoa egin genuen eta gazte orok ahal izan zuen udaletxearenganako amorrua adierazi horretarako prestatu genuen jolasaren bidez. Ondoren, iluntze aldean, gabonetako saskia eta sari sorpresa zozketatu genituen, publikoki.
Hortaz, gure helburuak bete zirelakoan gaudenez, egun arrakastatsutzat jotzeaz batera, datozen urteetan antzerako iharduerak burutzeko konpromezua hartzen dugu Portuko Gazte Asanbladatik.

Laguntzaile eta parte hartzaileei esker mila!!